Ranji Trophy: Rem ka Meghalaya da chi Innings wa 139 Run ha ka Gujarat

I pyrchang ka Meghalaya wow lait nei rem ha ka sngi wa khaddooh ka yalehke ka Ranji Trophy ha ka Elite Group-A pyrchah ya ka Gujarat ynne ka sngi da sepai noh i hadien wa haap lut ki Wicket deiwa kamai 250 iwa mut wa da rem ki da chi Innings wa 139 Run ha Rajkot.

U Ravi Teja wa u Punit Bisht da e kyrmen ki ya ka Meghalaya ynnin ka sngi heiwa u Teja da yoh u 133 Not Out katwa u Bisht 55 Not Out yow pynpoi ya ka Meghalaya cha 224/3 iwa boon dooh i kamai ki ha ka yalehke First-Class Cricket.

Ka Gujarat ynne da pynhaap lut ko ya ki Wicket ka Meghalaya ha ka Over wa 15.5 heiwa da haap u Teja du hadien 5 bol khlem da ye wow kamai chooh chooh katwa u Bisht da haap u hadien wa yoh 68.

Related posts

Da ki Jersey e sñiawbha ki ar ngut cha ka Ialong Sport Club ka wow yakhun Super Division

July 22, 2026

Yoh ka Pipilmoris Wanniang wow man kam ka Category 5 National Football Referee

July 21, 2026

Kiwa da Bat cha tdong da pyrchang ki wow neh katwa ye tangwa ka Meghalaya da dooh ko ya ki Wikcet deiwa kamai 250, iwa mut da dooh ki ynne 7 tylli ki Wicket deiwa kamai du 26 Run. Ini da man ko leh iwa boon dooh iwa da ye u kamai ka Meghalaya ha ka Ranji Trophy ha ka kyrdan Elite Group.

Ha kani ka samoi ka Ranji Trophy da man ko leh ka sien nyngkong i yalehke First-Class Cricket ya u Kishan Lyngdoh wa u Kilco Marak wei da sahkynmoo ya ka 55 Run Not Out u Dippu Sangma pyrchah ya ka Kerala kamjooh ki ar tylli ki 50 Run na u Bisht wa ka spah Run na u Teja. Ki Wicket na u Aryan Bora 3/105 pyrchah ya ka Kerala wa ki 5 Wicket u Chirag Khurana pyrchah ya ka Gujarat.