Ka East Khasi Hills da jop ko da 9 Wicket pyrchah ya ka West Khasi Hills ha ka U-23 Boys Inter District Cricket Tournament wa pynman da ka Meghalaya Cricket Association ha Nongkhrah, Ri-Bhoi ynne ka sngi.
Ka WKH da jied ko wow Bat nyngkong hadien wa jop ya ka kylla khlem ha ka Group B ka Zone 1 tangwa da ye ki wow kamai 117 na ki 27.4 Over deiwa dooh leh ya ki Wicket. Ka EKH da ye ko wow kdong yeini ha ka Over wa 25.2 Over deiwa dooh chi Wicket.
U Victor Marwein da kamai boon dooh u ya ka WKH da 27 Run deiwa yarap lang u Richard B Syiem (13), u Pynshaiba Khardewsaw (13) wa u Paiawetson (12). Na kiwa kawang bol ka EKH, u Daulabiang Shangpliang da yoh u 4/28, u Rohit K Yadav 2/4, u Raj Kishor Yadav 2/4, u Shemphang Tymsen 1/11 wa u Muskodul Choudhury 1/28.
U Lurshai Nongdhar (54) wa u Rohit (51 Not Out) da pynjop ki ya ka EKH heiwa u Nongdhar da haap u ha u Armour Dkhar (1/12). U Rohit da yoh u leh yei naam Man-of-the-Match.
Mynstep ka yalehke ha ka Group A ka Zone 1, ka Shillong Cricket Association (B) daw yachem ko waka All Jaintia Cricket Association. Ki yalehke ka Zone 2 leh u sdang ki mynstep hapyrdi ka Tura District CA pyrchah ya ka North Garo Hills.
