U In-charge District Magistrate, East Khasi Hills District da pynkrehkaam u ya ka hukum hapoh ka Section144 CrPC yow khang yei noh jhep ha tympud ka wah Umkhen, East Khasi Hills District.
Ya kani ka hukum da pynmih hadien wa da yoh yutip wa em i noh roi yei jhep ha ka wah Umkhen wa ki kattu katni ki bynta ka wah Rting wa kiwi kiwa tooid cha ka wah Umkhen.
Da ong wa ini i rukom leh iwa pynjakhlia ya ka wah lada chah u pteiñ i daw ye i wow wanrah yei ktah ya ka rymaw wa ki thaw wa em chajan.
Kani ka hukum toh kawa da pynkrehkaam chisyndon hadooh wa pynbna da kamwi.
