Ka ri India ynne ka sngi lyngba ka chnat Ministry of Defence da pdiang ko wa em i siat bakla ya u Missile yong ka na kawi ka thaw yong ki chipai wei da pynsñiaw ko yei sihlet ya ini wa jia heiwa uni u Missile da haap ha chapoh ka ri Pakistan ha ka 9 tarik uni u bnai.
Neiliang ka Pakistan Army da pyntip ko ynnin ka sngi wa em i tiar thma wa na India uwa da psiah chapoh ka ri uwa da haap ha i thaw wa tip kam i Mian Channu.
Neiliang ka India da pyntip ko wa ha ka 9 tarik uni u bnai heipor wa leh ko yei kaam wow pynchna wei wow sylli ya ki tiar yong ka, da toh siat bakla ya uni u Missile wei da kmen wa ym em jia iwon iwon wa sñiawsih ha ini i jia.
Chooh chooh da ong wa ka sorkar India da chimkhia ko ya ini iwa jia wei da thung da ka High-Level Court of Enquiry yow takit ya ini iwa da jia.
Ka Pakistan da maham ko leh ya ka India wym toh u jia biang ini neibhah ini wa jia da booh ko yei maa ya ki paidbah kamjooh ki lieñsuiñ wa hær.
