Ka SDO ka Amlarem Civil Sub Division da pyntip wa ko wa da em i pyntngit, i pynjakhlia yei thaw taan um ka Amlarem Water Supply Scheme ha ka wah Myrkein deiwa em ki bru wa sait that, sait kari, kiwa sum wa kiwi kiwi wei ini da wanrah ko chiboon kiwa da ktah yei bha i miat ka um khamtam kiwa mih na ki jait sabon wa kiwi de kiwa pynemkaam yow sait.
Da ong leh wa lada tngit kani ka um daw ktah kylla ko yei chait i khiah ki bru ha Amlarem wa chnaniah umbaam umdih na kani ka um.
Chooh chooh da ong wa i tngit i jakhlia kylla i na i por cha ki por tangwa ka thaw pynkhooid um ka sorkar namo ka Water Treatment Plant ym de ko wow pynkhooid yei jakhlia khamtam ha ki por wa stang ka um.
Kamtæ ka SDO da pynkrehkaam ko da ka Section 144 ka CrPC yow khang yei sait that, sait tiar ha tre thaw mih kamjooh cha khlieh ka wah. Da khang leh yei sait kari ha kini ki bynta. Chooh chooh da khang leh wow sait ya iyi iyi harood ka wah Myrkein kamjooh wow noh yei jhep.
Kani ka hukum toh kawa krehkaam chisyndon hadooh wa pynmih hukum da kamwi.
