Kani ka Dorbar Mang Tangka ka JHADC toh kawa pyndooh mynsien ya kiwa boon: Andrew Shullai 

Ynne ka sngi heiyatoh wa ka Dorbar Mang Tangka ka JHADC, neiliang uwa yahkhmat ka Liang Pyrchah, u Andrew Shullai da ong u wa man ko kawa sñiawsih neibhah wa boon ki yutip wa da paan leh da chah kyntait noh ki ha ka Council.

Da ong u wa kani da pynyoo ko wa da chah thombor ym du ki MDC tangwa ya ki paaid ka Ri-loom Jaiñtia hi waroh kawi.

Hajrong i klam hajrong ka mang tangka u CEM, neiliang u Andrew da ong u wa kani ym em ko iwon iwon leh hajrong wa dooh ka Council wa i chem chitom ki wakreh tangwa kani ka Executive Committee da man ko kam ka khonmynriw (Puppet) ka sorkar jylla wa pynlai da ki kattu katni, neibhah da thkoh bha i rukom krehkaam ko khamtam heiyatoh wow ye u khrong dan na ki karkhana khyndaw-bilat.

Da ong u wa da em u MDC ka liang synchaar leh da ood da ujor u wa wot ki MDC Scheme leh da jied da u MLA heiwon u e ya ki.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Andrew da ong u wa man iwa sñiawsih kam ki paaid ka Ri-loom Jaiñtia neibhah lada kamni bait man ka sorkar cheiwon u poi ka Council wei kammon u ye u pynmiat ya ki kaam neini chaphrang nei yooh beiñ ki kattu katni donhi ki MLA ya ka.