Ka result Semifinal ha pyrdi ka Demthring wa ka Tpep-pale

Jowai : Ka yalehke Semifinal ka 1st Division ha pyrdi ka Demthring wa ka Tpep-pale da man ko kawa yoosuk bha kawa pynsa-ih mynsien ya waroh arliang ki paidbah wa wan kyrchaan ya jar jiar ka dhab.

Ha ka kylla step ka Demthring da yoh ko u thap chwa ya ka kool wa nyngkong ha ka minit wa 11 na u Pynspain Ryngkhlem tangwa ka Tep-pale won da ye ko u su kylliang ya kani ka kool ha ka minit wa 29 lyngba ka kool wa thap u Dasajeki Rymbai kamtæ da kut ka kylla step mar chi kool.

Ka kylla miet won kut ko khlem em wa yoh u thap kool hanlada pynarliang yoh laad ki boonsien wow thap kool kamtæ da pteiñ ya ka yalehke won sa ka Extra Time.

Ha ka Extra Time ka Demthring da thap ko ha ka minit wa 83 lyngba u Kyrkhu Ryngkhlem tangwa du hadien ar minit won thap biang ka Tpep-pale da ka Free Kick wa chut u Ridlulent Challam ka wa lai bait sak ha ka jar.

Da rai ya kiwa jop won da ka yachut Tie-Breaker heiwa ka Tpep-pale da rem ko 3-1.

Related posts

Yoh u Phrangki Buam yei naam Most Valuable Player ha ka Indian Football League 2025-26

May 25, 2026

Yoh ki ar ngut kiwa na East Jaiñtia Hills yei naam Best Athlete ha ka State Level Inter-School Meet 2026

May 24, 2026

Kamtæ ka Demthring da yoh ko u psiah cha ka Final wei da pynku kyrdan ya ka cha ka Super Division.

Mynstep won heipor 2:30 daw em sa ka wi ka Semifinal ka 1st Division ha pyrdi ka 7 Wasa wa ka Chilliangraij.