U DC ka East Jaiñtia Hills District da wai paidbah u ya ka kor wow pynrkhiang ya ki mar rep kawa pynemkaam da i bor ka sngi kawa tip kam ka Solar cum Electric Drier wei ya kani ka kor da booh ha ka chnong Moolang wei da wai ya ka haka 28 tarik uni u bnai.
Kani ka kor da e sñiawbha da ka 67th Battalion CRPF deiwa ya krehlang waka Rotary Club, Shillong.
Ya kani ka kor da ekti wow pynemkaam da ka Village Organization kawa emlang hapoh yong ka 32 tylli ki SHG.
Kani ka kor daw yarap ko wow thaad pynrkhiang ya kiwa boon ki mar nadooh u chirmit, u syiñ u rasun wa kiwi de.
