I pyrchah ki paidbah wa kiwa chong chnong ka Thangskai, EJH hapoh i yahkhmat u Waheh Chnong u Phai Syrti deilang waka seiñ FKJGP East Jaiñtia Hills ya ka thaw pynlang kamjooh ka thaw thang jhep Plastic yong ka karkhana Dalmia Cement da man ko kawa jop heiwa ka Dalmia da phah chithi ko cha ka chnong wow pyndam noh chisyndon ya kani ka Refuse Derived Fuel (RDF) Plant kawa da pynemkaam yow thang yei jhep Plastic wa em hapoh kani ka karkhana.
Ka Dalmia da ong ko wa ym pdiang de ko leh ya ki kari wa wan noh jhep chapoh ka karkhana chisyndon.
Ini i rai wan i hadien wa da pyrchah ka chnong yeini i wanrah yei jhep da ki Truck nadooh na baar jylla wot hadien ka dorbar chnong da dep ko wow pyrcha yeini.
Neiliang ka chnong da klam che ko wym ye u pdiang ya ini i wan noh jhep ha kani ka karkhana neibhah da ktah ko yei chait i khiah yong ki paidbah najrong wa da ktah chwa nei tngit yong ka la-ær wa riñ mynsien ki bru deiwa em chwa kani ka Dalmia Cement wa kiwi de ki karkhana hapoh ka Elaka Narpuh.
Puræ leh: Lai khang ka chnong Thangskai yei thaw pynlang jhep ka karkhana Dalmia
