Hadien wa poor i dur yong kawi ka khynnah kawa dang 10 snem kawa lai skur deiwa yah lang waka diah kynthai ko neidaw wym em wa pait ha yung heiwa da yoo leh yeini da u Th. Biswajit Singh uwa man kam u Montri ka sorkar Manipur wa pait ya ka chnat bordiñ, ka rep ka riang wa kiwi de. Da kular u wow kitkhlieh yei lai puræ puthi kani ka khynnah.
Kani ka khynnah kawa na Manipur hi da tip pyrtuid ya ka kam ka Meiningsinliu Pamei, kawa chong chnong ha Tamenglong District da hap ko wow yah lang wei diah ko cha skur neidaw wa ka bei u pa ko hap lai rep ki. Neiliang u Montri da yaroh u yeini i thrang mynsien ko wow yoh yei stat i tip deiwa piam ko yei diah ha kamra skur.
Kamtæ yow krchaan wei pynchlur ya kani ka khynnah, neiliang u Biswajit da kynjoh ktein u ya ka bei u pa kani ka khynnah wei da phah wan yah u ya ka cha Imphal wei da kular u leh wow kitkhlieh yei puræ puthi ko hadooh wa pyndep ko ya ka Graduation.
Kani ka khynnah toh kawa lai skur ha Dailong Primary School wa em ha Tamelong District ka Manipur.
