Iyi leh u Dr. Mukul heipor wa man Montri Rangbah yow pynbait pood: NPYF

Ka National People’s Youth Front (NPYF) da beiñ ko ya u Dr. Mukul Sangma uwa man uwa yahkhmat wa Liang Pyrchah wa da chimkhia u hajrong i kaam khappood deiwa kylli iyi wa da leh u ha i por wa dang man u kam u Montri Rangbah ka jylla.

Ini i ong ka NPYF toh hadien chi sngi wa u Dr. Mukul da pynbaad u wa ka sorkar Meghalaya Democratic Alliance (MDA) da soi ko ya ka soskular namo ka Memorandum of Understanding (MoU) wa ka sorkar Assam wow pynbait noh yei kajia pood ha ki 6 tylli ki thaaiñ khappood ha ka bynta kawa nyngkong.

Hawa klam cha wa kiwa thoh khubor, u President ka NPYF u Kitborlang Nongrem da ong u wa u Dr. Mukul ym em chim u ya kiwon kiwon ki laad ki luti wow pynkut lane wow pyndep noh ya ka phang wa yatoh wa i pynbait ya u pood u ang ha i por wa dang man u kam u Montri Rangbah ka jylla ha ka sorkar wa da yahkhmat da ka Congress.

U Kitborlang da ong u wa u Montri Rangbah warim ka jylla, u Dr. Mukul ym em leh u iyi iyi leh ha i por wa man u kam u Montri Rangbah ka jylla. Da ong u leh wa lada u Dr. Mukul chimkhia u ya ini i kaam ha i por wa man u kam u Montri Rangbah ka jylla, da ye wow pynbait nadooh kitu ki por tangwa i yukylli wa mih toh ileh wa u Dr. Mukul Sangma chimkhia u ya ini i bynta katni hawa ym em de u hei bor.

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Chooh chooh u Kitborlang da ong u wa ka Youth Wing yong ka NPP ym kwah ko wow dooh wot chi icnhi leh i thaw yong ka Meghalaya tangwa ini da man ko iwa eh sakhiat wow pynhun lut ya waroh kitu kiwa sah ha ki chnong thaaiñ khappood wa wot neiliang yong ka sorkar jylla ka tip bha ko ya ini.

Da ong u leh wa lada ym pynbait katni ya ini, mynnu won u ye.

Puræ leh: Kmen ka Assam yei pynbait pood neibhah u MR ka Meghalaya toh uwa ka-i bait: Mukul