Pynkylla tarik ka Seiñ Raij Pamrapaithlu yei pynman Chaad Sukra

Ka Seiñ Raij Chnong Pamrapaithlu Raij Tuber, East Jaiñtia Hills District hadien wa da pynpep sngi ko ya ka Chaad Sukra, Lucky Draw, Dancing Competition wa kiwi kiwi ki yalehke ka wa mut u man ha ka 9 tarik uni u bnai.

Da rai wow pynman biang ya kini ha ka 30-04-22, 01-05-22 wei hei miet ka 30 tarik daw pynyoo ya ka phlim Khasi “KAEI KA JINGIEID”.

Ha ka 01-05-22 heipor sngi daw em ka Chaad Mih Loom, ka Chaad Sukra, katwa hei miet kani ka sngi daw pyndep ya ka yakob Dancing Competition heijooh i por u pynkhle ya ka Lucky Draw yong ka Seiñ Raij Chnong Pamrapaithlu.

Katwa kamtæ ka Seiñ Raij Chnong Pamrapaithlu da khut da wer lang ko ya waroh ki khon ka Seiñ Raij ki chnong waphær waphær u wan ya chimbynta lang ki wow pynphooh pynphieñ ya kitai ki sngi.

Related posts

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Pyndep ka Raij Jowai ya ka Kbai Mooknor wow e ngooh ya ki Soo Dwar Soo Luti

June 6, 2026

Ka kyrwoh na u Secretary ka Sein Raij Chnong Pamrapaithlu Raij Tuber, u L. Siangshai.