Ka chnat pulit yong ka jylla da chimkhia ko hawa yatoh wa i mih kawi ka seiñ wa tip kam ka ‘Lawei Ba Phyrnai’, khamtam hadien i maham wow tympdung bomb.
Ka Special Director General of Police yong ka jylla, ka Idashisha Nongrang da pyntip ko wa ki pulit da booh ki ya ka ujor yong ki hi namo ka Suo Moto FIR, wei katni ka takit da lai ko, tangwa da kyntait ko wow khana iyi iyi heiyatoh wa katai ka takit.
Da ong ko wa neiliang ki pulit da pynkhlan ki ya ki bor wa lai sonteri, khamtam ha ki thaw wa katai ka seiñ da maham ko wow tympdung bomb.
Hawa kylli, neiliang kani ka heh pulit da pyntip ko wa hadooh katni ki pulit ym pu yoh kem ki ya uwi leh u dkhot yong kani ka seiñ.
