Ka Assam State Disaster Management Authority (ASDMA) da pyntip ko wa nadooh ka 14 tarik wa sdang u slap waka la-ær wa joor hapoh ka jylla, kiwa yap da em ki 14 ngut hadooh ynne ka sngi.
Soo ngut da yap ha ka 15 tarik ha chnong Tingkong, Dibrugarh hadien wa joor syndet u slap waka la-ær heiwa da chah khyndang ki dieñ. Le ngut won da yap hapoh ka Barpeta District wa kynthup ya u wa dang 15 snem.
Ha ka 15 tarik hi da em 3 ngut kiwa yap hadien wa joor syndet u slap waka la-ær ha Tinsukia.
Da em leh la 7,378 ki yung wa ki dukan kiwa da chah ktah ha kini ki ar sngi wa dep.
Boon ki bynta ka jylla Assam da chah ktah ki nadooh ka 15 tarik na ini i joor u slap waka la-ær khamtam ha Goalpara, Barpeta wa Dibrugarh wei boon tylli ki yung wa da chah ktah nei chah ban ha ki dieñ kamjooh da pynthut ko leh yei yoh bordiñ.
