U District Magistrate ka West Jaiñtia Hills District da pynmih hukum u yow pynkrehkaam ya ka kyndon Section 144 Cr.PC yow khang ya kitu kiwa pyrchah yei noh jhep ha i thaw ka JHADC wa tip kam i Pangit wa em ha Khliehtyrchi.
Ka hukum da ong ko wa em i khuslai wa daw ktah ko yei chongsuk hapoh ka chnong Jowai wa mih neidaw wa em i jhep ha Iawmusiang wa ha Iawthymme kiwa man kam ki thaw wa pynman yaw wa da wan da kiwa boon ki bru na kylleiñ ki thaw wei ini leh ye ko wow ktah yei chait i khiah ki bru lada hap riñ mynsien chi slem yei sma wa mih na ini i jhep.
Kamtæ ha ka yalang wa da pynman hapyrdi ka JHADC, ka Jowai Municipal Board (JMB) deilang wa ki bor District ka West Jaiñtia Hills ha ka 20-04-22 da chim ya ka rai wow pynemkaam yei thaw ka JHADC wa em ha Pangit, Khliehtyrchi yow pynman kam i thaw noh jhep wa chipor.
Kamtæ ka JHADC deilang waka JMB toh u kit noh ki yei jhep yow lai noh ha Pangit wei da khang ya kiwon kiwon kiwa thmu wow khang wei wow pynthut yeini wei daw pynchitom ya ki katkam ka aiñ.
Da khang wow yalang 5 ngut lane palat 5 ngut ki bru hapoh 2 Km na ini i thaw wow noh jhep ha Pangit.
Da khang leh wow rah ya kiwon kiwon ki tiar yasiat wa kiwon kiwon ki tiar pynmysoo hapoh 2 Km na ini i thaw noh jhep ha Pangit.
