Ka Shillong CA (A) da jop suk ko yaka East Khasi Hills da 8 Wicket haka Group A ka Zone 1 ka Inter District U-19 Boys Cricket Tournament 2022 wa pynman ha Khliehtyrchi daka AJCA neibynta ka MCA ynne ka sngi.
Ya ka kylla-khlem da jop daka East Khasi Hills wei da jied ko wow Bat nyngkong, heiwa da yoh ko 101/9 na waroh ki 32 Over. U Jonathan Mawa da man u wa da kamai Run rap boon ya ka EKHCA deiwa yoh 21 na 29 bol (Not Out). Neiliang ka Shillong CA (A) won, u Charm Marbaniang wa u Navin Kumar da yoh ki u pynhaap mar 3 Wicket.
Hawa beh won ya ka thong, ka Shillong CA (A) da ye ko u kamai 102 Run deiwa dooh ko du 2 Wicket donhi yow jop ha ka Over wa 13. U Ayushman Das toh uwa da lehbha da ka Bat heiwa da ye u kamai 40 Run naki 40 bol (Not Out). Neiliang ka EKHCA, u Raj Kishor Yadav da yoh u ar Wicket.
Ya i naam Man of the Match da yoh da u Navin Kumar .
Haka Zone 2 won kawa da pynman ha Tura ynne ka sngi hapyrdi ka North Garo Hills CA waka Tura DCA heiwa ka Tura DCA da jop ko da 3 Wicket ya ka North Garo Hills CA. Yei naam Man of the Match da yoh da u Denikcheng Marak.
Ki yalehke u pteiñ ki ha ka 25 tarik heiwa haka Group A ka Zone 1, ka SCA (B) daw yachem ko waka Ri-Bhoi DCA, katwa ha ka Zone 2 won ka South Garo Hills daw yachem ko waka East Garo Hills DCA.
