Wai pyrda ka PW&DS ya ka free Skill Up-gradation on Computer Training ka wa soo bnai ha Namdong

Jowai : Ha ka 1 Naichiphaw 2016 ka People’s Welfare & Development Society (PW&DS) hei ya kreh lang wa ka Nehru Yuva Kendra (NYK), Jowai da wai pyrda ko ya ka esikai makna hei yatoh wa ka computer training kawa soo bnai lynter ha Krist Syiem Secondary School, Namdong.

Ha ka yalang wa khian wa pyllai da u Vice President ka society u Arkini Lyngdoh, U Headmaster yong kani ka skur u Rev. Fr. Lambert Dkhar da pynsñiaw u ya i sñiawngooh u ya ka society wa ye ko u wanrah ya kani ka training ka wow e myntoi ya kiwa chong chnong kamjooh leh ya ki khynnah skur.

U kongsan ha kani ka sngi u Elias Susngi u wa man leh u waheh ka Raij Namdong, Elaka Nongjngi da kyntu joor u ya waroh ki wa kwah u yoh sikai ha kani ka training yow man ki wa chimkhia hawa yoh kam kani ka laad, da pynche u leh ya i emkaam yong ka computer ha ka pyrthai thymme katni.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki arngut ki Waheh Chnong yong ka Namdong-A wa ka Namdong-B wa u secretary yong ka Iaw Khyllaw da ong ki wa sñiawngooh ki ya ka PW&DS wa ya ka NYK, Jowai wa man ki wa chynna jngai hei wa wan rah ya kam kani ka training wa emkam bha ha ki Chnong Nongkyndong.

Da yoh leh ya i pynsñiawthooh hei yatoh wa ka training kamjooh leh ya ki kaam yong ka society na u Finance Secretary u Easterius Shylla.

Hachwa u kut ka da yoh yei klam sñiawngooh na ka secretary yong ka society ka Beatify Synnah.