Ka yung krehkaam u DC, West Jaiñtia Hills deilang wa u District Sports Officer, West Jaiñtia Hills daw pynman ki ya ka North East Festival 2022 wei kam chibynta ini daw pynman ya ka Marathon-Cross Country Run ha ka 30-04-22 neibynta ki chynrang wa kynthai (Open Category).
Kani man ko leh kam chibynta ka lehkmen dap 75 snem ka ri yow pynyoo yei chitrhem i mynsien wa yoh laitlooid namo ka Azadi ka Amrit Mahotsav.
Kani ka Marathon-Cross Country Run daw kaweh lama yaka na Main Gate Kiang Nangbah Stadium deiwa lai luti na Ladthadlaboh Main Road-Kiang Nangbah College-ByPass-Yingkieñ Myntdu-Amlarem By Pass-Stand War-Mynthong-Chutwakhu-Mission Compound-Iongpiah-Dulong-Tpep Pale-Iawmusiang-New Hill-Ladthadlaboh Main Road hadooh wa poi ha Kiang Nangbah Indoor Stadium kam i thaw pynkut.
Kiwa chimbynta u chah du kiwa na West Jaiñtia Hills wei ye ki wow wan e pyrtuid pyn ha i thaw wa pynman ha katai ka sngi wei kiwa jop daw yoh ki leh ya ka song-poisa wei daw e khusnaam kyrpang ya kiwa da heh rta dooh wa kiwa khian rta dooh kiwa chimbynta.
