U Montri Rangbah ka jylla, u Conrad K. Sangma, uwa da chah jied leh kam u Convener yong ka Group of Ministers (GoM) hajrong ki Casinos, Race Course wa Online Gaming ynne da yachem u wa ki heh sorkar ha North Block, Delhi.
Ka GoM da seiñ ya ka da ka Ministry of Finance, ka sorkar India wow pyrkhat ya ka dan GST neibynta ki Casinos, Race Courses wa Online Gaming.
Neiliang u Conrad da ong u wa da ye u lai chaphrang ha ini i kaam heiyatoh wa ka dan katwa ka rukom kheiñ won wa dang sah toh neibynta ka Online Gaming heiwa katwon u kheiñ dan neibhah wa em ki boon jait ki yalehke.
Ka yalang wa bood u man ko ha ka tayaw wa ar yong uni u bnai.
Ki dkhot ka GoM kynthup ki ya u Ajit Pawar-Deputy CM ka Maharashtra, Chandrima Bhattacharya-West Bengal Minister of Finance, Kanubhai Patel-Gujarat Minister of Finance, Mauvin Godinho- Minister of Transport wa Panchayati Raj ka Goa, Dr. Palanivel Thiaga Rajan-Minister of Finance ka Tamil Nadu, Suresh Kumar Khanna-Minister of Finance ka Uttar Pradesh wa u Thanneeru Harish Rao-Minister of Finance ka Telangana.
Ha u snem wa dadep u Conrad da yahkhmat u ya ka GoM wow puræ ya ka GST neibynta ki tiar wa yatoh wa ka khlam COVID-19.
