Ka yakob Inter School Quiz Competition wa pynman da ka yung krehkaam ka District School Education Officer, Jowai deiwa ya krehlang wa u Planning Officer, Jowai da pynman ya ka ynne ha Ladthadlaboh Dorbar Chnong Indoor Hall, Jowai.
Kiwa chimbynta da em ki waroh 7 tylli ki skur wa kynthup ya ka North Liberty Higher Secondary School, Thomas Jones Higher Secondary School, Kiang Nangbah Higher Secondary School, Government Girls Higher Secondary School, Government Boys Higher Secondary School, KJP Synod Mihngi Higher Secondary School waka Q.C. Springside Higher Secondary School.
Kani ka Quiz Competition da man ko leh kam chibynta ka North East Festival, 2022 kamjooh i lehkmen yoh laitlooid ka ri wa da e pyrtuid Azadi Ka Amrit Mohotsav.
Ya kani ka Quiz da pynlai da u Quiz Master R.S Teron, Block Mission Coordinator (BMC).
Ha kani ka yakob da yoh nyngkong da ka Government Boys Higher Secondary School wa mihkhmat da u Somanroy Myrchiang waka Graceful Mary Phawa, da yoh wa ar da ka Government Girls Higher Secondary School wa mihkhmat da ka Safety Care Pohleng waka Peruse Ryngkhlem katwa yei wa le da yoh da ka North Liberty Higher Secondary School, Jowai wa mihkhmat da u Ribait Phawa wa u Sneinbha Suchaing. Waroh kiwa jop da yoh ki ya ka Trophy wa Certificate.
Hachwa ini, ka A.P. Syiem, District School Education Officer wa u AC Roy, Assistant District Adult Education Officer, Jowai da khana ki yei yumut i lehkmen Azadi ka Amrit Mohotsav iwa man wow pynyoo yei mynsien chit rhem yei yoh laitlooid 75 snem ka India.
Ya ka yalang da chongknor da ka C. Lyngdoh, Sub- Inspector of School, Education Officer.
