Ha kani ka 4 tarik, ka College of Post Graduate Studies in Agricultural Sciences Central Agricultural University Umiam Meghalaya, chirup i ya krehlang waka ICAR-NCIPM New Delhi deilang waka Myntdu Pynthorneiñ Farmers Welfare & Producers Organization, da pynman ki ya i sikai pynsñiawthooh wa i saam leh ya u symbe kba CAU R1 cha ki warep ka chnong Sohmynting, West Jaiñtia Hills District.
Neiliang u K.L. Pariat, Adviser ka seiñ Myntdu Pynthorneiñ Farmers Welfare & Producers Organization, da pyntip u wa ya uni u symbe kba da dep rep ha Myntdu Pynthorneiñ, ha Mukhla wei kajiak ha uni u snem wadep, da rep ha Myntdu Pynthorwah.
U Dr. K.N. Singh wa u Dr. M. Pathak na ka CAU-CPGS, Umiam Ri-Bhoi District, da pynsñiawthooh ki cha ki warep heiyatoh wa uni u symbe deiwa ong wa man u jait symbe uwa miat wa bha, wei uwa soh bha.
Neitæ da batai haroh ki yei rukom man ki thaw wa yahaap u rep ya uni u jait symbe.
Ha kani ka sngi da em kamwa 25 ngut ki warep wa yoh yei sikai pynsñiawthooh kamjooh u symbe kba ha chirup i emlang u Dolloi ka Elaka Amwi.
