Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, ynne da pteiñ ki yakhun Pre-Quarter Final deiwa pynman ar tylli ki yalehke.
Ha ka yalehke wa nyngkong, ka Maitchaphrang Mootyrchiah da jop ko yaka Royalpole Mihmyntdu daka yachut Tie Breaker da 6-5 hadien wa kut ka yalehke da 1-1. Ya ka Royalpole Mihmyntdu da thap kool da u Sumarlangki Suting haka minit wa 64 katwa yaka Maitchaphrang Mootyrchiah da thap da u Risanlang Dkhar haka minit wa 69.
Ha ka yalehke wa ar, ka Khliehmuchut Shangpung da jop ko yaka Iong I Dahi FC da 4-1. Ya ki kool ka Iong I Dahi FC da thap da u Atal Shylla haka minit wa 5 katwa yaka Khliehmuchut Shangpung da thap da u Arwan Phadong haka minit wa 34, u Elizer Suiam haka minit wa 47, u Dameki Rabon haka minit wa 57 wa u Rangdajied Sayoo haka minit wa 80+3.
Mynstep ka 7 tarik u pyndep ya ki yalehke Pre-Quarterfinal hapyrdi ka Mawsiang FC waka Lumchyrmang Mihmyntdu heipor 1:00 waje i sngi iwa daw pynbood daka Pasyih Cultural Sports Club waka Pateinki Sabah heipor 3:00 waje noh chariñ ka sngi.
