Ka Ephphatha Society kawa man ka seiñ kreh monsñiawbha neibynta ki bru kiwa em i duna ha i doh i pran, ha ka 6 tarik uni u bnai da pynman ko ya ka e sikai namo ka Workshop kawa ar sngi hajrong ka phang “Problems and Development of Adolescence Persons with Disabilities”.
Ya kani ka e sikai da phiah ha ki soo bynta wei da wan ki soo ngut ki bru chemphang (Resource Person) na ki soo tylli ki chnat sorkar wa kynthup ya ka Dr. H. Suting DHO, u S. Kamar DMC SSA, u S. Sympli na DSWO wa ka R. Sariang na ICDS.
Ha kani ka e sikai da wan chimbynta da ki 29 ngut ki bru wa em duna ha i doh i pran kiwa em leh i sap wa kyrpang na chnong Lumshken, Iapmala, Suchem Mulieh, Wahsarang wei da synraan ya ki da ki bei yong ki.
Ya kani ka e sikai da pynlai da u H.U. B Bang uwa man leh u Media Operator ka Society, hei emlang u President, Secretary wa ki dkhot ka Ephphatha Society u Waheh Chnong ka chnong Lumshken, Suchen Mulieh, Secretary Chnong Wahsarang wa ki dkhot ka chnong Lumshken.
Ya kani ka e sikai da pynman deiwa yoh yarap poisa na ka yung krehkaam u Deputy Commissioner, East Jaiñtia Hills District.
