Ka Ryntih Football Club, lyngba ka Minerva Academy, Punjab deiwa ya krehlang waka Sports Committee yong ka KSU East Jaiñtia Hills District Unit daw pynman ko ya ka Selection Cum Trial Camp 2022 yow jied ya kiwa yalehbol na waroh ki District ka jylla Meghalaya.
Ha East Jaiñtia Hills ya kani ka Trial daw pynman ha Madan Khliehriat West, East Jaiñtia Hills District ha ka 14 tarik uni u bnai heipor 7 waje i step.
Ka bai Register man ko T. 100 wei kani ka Trial toh neibynta kitu ki khynnah chynrang wa kha ha ka 01-01-2009 wa hadooh 31-12-2012.
Kiwa wan cha kani ka Trial u sñiawbha ki wow rahlang waka Birth Certificate deilang wa ki dur Passport Size.
Kiwa chah jied daw yoh ki yei sikai ha ka Minerva Academy kawi na ki chlem e sikai wa paawnaam ka ri India. Wei kiwa chah jied leh daw man ki kam chibynta wow pynkhreh ya ka World Cup 2034 wei ym hap ki wow su yei bai chah sikai kamjooh i thaw sah wa waroh kiwi kiwa emkaam ki.
Ya ka yutip wa bniah ye wow phone ha kini ki number: 8837348828/8837424797.
