Ka DC ka East Khasi Hills da pynmih hukum ko hapoh ka Section 144 Cr.PC yow khang ya waroh i tih moo, tih chyiap wa man pyrchah ya ka aiñ kiwa da leh ha ki chrooh loom wa na ki um ki wah ka District.
Ka DC da ong ko wa da yoh hukum naka National Green Tribunal, Principal Bench, New Delhi wow khang ya kiwon kiwon ki bru, ki Company, ki seiñ wow tih moo, tih chyiap na ki loom ki wah ha waroh kawi ka ri khlem da yoh ya ka Mining License/Quarry Permit wa kiwi de ki Clearance Certificates katkam ki kyndon wa da kdaw hapoh ka EIA Notification 2006 ka MoEF&CC ka sorkar India.
Chooh chooh da kdaw wa i tih moo, tih chyiap khiar khlem da em kyndon da wanrah ko yei kai ki moo, i khyndaw cha ki wah na ki chrooh ki loom iwa da ktah leh ya waroh iwa da thung, kiwa im kamjooh ki doh um.
Da ong leh wa ini da pynsih i ya kiwa boon ki wah hadooh wym hoi de wow dih ya ka um iwa da ktah ya ki bru wa pynemkaam ya kani ka um, kamtæ da emkaam wow yada yei chait i khiah kamjooh leh ya ka rymaw hi waroh kawi.
Wei hajrong kini waroh da pynmih ya kani ka hukum kawa da krehkaam chisyndon ha waroh kawi ka District.
