I pynyoh thaw noh jhep neibynta ka chnong Jowai toh iwa da sahteiñ da boon tylli ki bnai kattu wei ini i kaam da man i iwa da bna ha kylleiñ ka jylla heiwa ki dur wa ki Video yong i jhep wa lang ha ki bynta ka Jowai da poor bha i lyngba ki Social Media.
Ynne ka sngi hawa kylli na u Montri Rangbah ka jylla, u Conrad Sangma heiyatoh wa ini i kaam da ong u wa ka sorkar da chem chitom ko wow yoh i thaw wow noh jhep wei hadooh kattæ leh ym yoh yei thaw.
Kamtæ da dep phah ya ki waheh chnong, ki waheh dong ka Jowai wow kyrpaad ya kiwa chong chnong wym toh wow noh yei jhep kat chawa em hapoh sor Jowai wei da phah leh ya ki wow pait hi kammon wow noh yei jhep wa mih na jar jiar ki chnong ki dong wei ini toh iwa khaddoh wa pyntip cha oo 4-5 sngi nachwa heiyatoh wa ini i kaam.
“Dang pyrchang i wow pynbait noh ya ini i kaam chipor (Medium Term) wei wow pynbait pura (Long Term) ya ini i kaam,” da ong u Conrad.
Da pynrap u deiwa ong wa ini i kaam toh iwa da chimkhia bha ka sorkar wei man i leh i kaam wa da maad ha waroh ki sor ka jylla wei daw pynbait noh ya ki waroh wow pynyoh thaw leh neibynta kini kiwi ki chnong.
