Ynne i step ka 12 tarik hadien wa joor u slap da em i kai khyndaw, i chlai um wei oor ki moo ha u sarok Rymbai-Bataw-Borghat-Jelalpur (RBBJ Road) hajan ka chnong Borghat hadooh wa ym lait de ki kari u lai u wan heiwa da em i chah ktah ki paidbah khamtam kiwa lai thooh dawai.
I daw wa chlai wei wa kai ka um, i khyndaw wa ki moo chapyrdi yong u sarok toh wa sahkut (Block) ki Hume Pipe kiwa em ha itai i thaw wei ini da jia teiñ i ha ini i thaw.
Kamtæ, neiliang yong ka seiñ Southern Border Youth Welfare Association (SBYWA) East Jaiñtia Hills District da kyrpaad joor ko ya ka chnat PWD East Jaiñtia Hills District u sñiawbha ki u pynsmat u pynkhooid ya kini ki moo wa ki khyndaw wa em hapyrdi sarok wei u chna ya ki Hume Pipe khnang yow lait biang ki kari u lai.
Ka seiñ da dawa ko leh na ka sorkar wow chna noh da ka yingkieñ namo da i krem kari (Tunnel) ha itai i thaw knang wym jia de kam ini i jooh ha ki por wa daw wan chaphrang.
Kani toh katkam ka Wyrta na u President ka seiñ, u Skhembor Shadap.
