Ka Dorbar Chnong Namdong-A ha ka 16 tarik uni u bnai da pynkup burom ko ya u Alexander Lyngdoh uwa da yoh rah yei naam jop ha ka State Level Arm Wrestling Championship 2022 kawa da pynman ha Shillong.
Uni uwa yakhun kti toh uwa naka chnong Namdong-A uwa da yoh nyngkong ha ka kyrdan kiwa 70 Kg.
U Alexander Lyngdoh toh leh uwa em i duna heiwa ym toh uwa tip u klam nadooh dang khian wei da man u leh u wym em bei em pa de wei da ri ya oo da ka beikhian yong oo wei katni toh u wakreh mistri wa ki paralok yong oo ha Jowai.
Ha kani ka sngi da emlang u MDC ka Mynsngat Khanduli Constituency u Dawan Lyngdoh, u Dolloi ka Elaka Nongjngi, ki waheh ka Raij Namdong, u Waheh Chnong Namdong-A ryngkat i emlang ki paidbah wa chong chnong.
Ka Dorbar Chnong deilang wa u MDC da yarap ki da ka song poisa cha u Alexander Lyngdoh ha katai ka sngi.
Da kitbok neibynta leh yei lai yakhun yong oo cha ka kyrdan National Level ha Hyderabad kawa daw pynman nadooh ka 30 tarik uni u bnai hadooh ka 6 tarik u Naiynru 2022.
