I kam ka yung u ma Charles Pohshna (baam kwai ha dwar u Blai), uwa jooh khut maya u ma Char, uwa u Blai da yoo biang u wow chim noh cha oo ha ka 7 tarik uni u bnai wei da tlep emburom ha ka 9 tarik ha loom tlep-bru ka Balang Unitarian Padu, pynsñiaw i yei sñiawngooh wa khroo ya phi waroh nadooh ki para kur Mukhim, ki kha ki man ka kur Pohshna, kiwa ha yung hasem, ki marjan marpa, ki paralok parajor wa najan wa najngai waroh kiwa da wan wow sñiawlem ya ka yung ka sem yong i ha kam ini i por wa u lyoh wa doom da wan tymmoh u ya ka yung ka sem yong i.
I pynsñiaw i yei sñiawngooh khamtam yaka Balang Unitarian Padu, ki Minister wa Assistant Ministers, ki Rangbah Balang wa ya phi ki para-wa-ngait wa maya waroh kiwa da wan na ki Balang waphær waphær yow pyntngen wei e mynsien ya i kam ka yung ka sem lyngba i duwai, ki ya syllok wei khamtam ha i pyndep ya ka lehniam wa khaddooh ya u pa wa maya yong i. Ka sñiawngooh man ko leh ya waroh ki Pastor wa kiwa charæ Balang yong kiwi kiwi ki Balang niam.
I pynsñiaw i leh yei sñiawngooh ya ki Doctor, ki Staff Nurse yong ki Hospital waphær waphær wa ya waroh kiwa ya embynta wow e sumaar wei yarap ya u pa wa maya yong i.
I sñiawngooh man ko leh ya ka Dorbar Chnong Padu wa Amshipai nadooh ki Waheh Chnong, ki Secretary Chnong, ki khynroo wa waroh kiwa chong chnong kiwa yarap ya i ha kiwa boon ki liang.
I pynsñiaw i leh yei sñiawngooh ya ka Police Department Amlarem wa ki wakreh yong ka kiwa da yarap wow pynlai bait ya ki kari, ki sahep wa ki wakreh yong ki chnat waphær waphær, ki Principal, ki Headmaster, kiwa sikai skur yong ka chnong Padu wa ya waroh kiwa mihkhmat wa ki bru rangbah kiwa ya synraan wei embyntalang wa i kam ka yung ka sem.
Khaddooh pynsñiaw i yei sñiawngooh kyllum ya kiwi pa kiwi kiwa da wan sñiawlem wow yarap pyndap pynbiang ya waroh i emkaam yong ka yung ka sem nadooh ka sngi kawa u Blai da yoo biang u wow khut noh ya u pa wa maya yong i hadooh ka sngi wa i da ye i u pyndep ya ka lehniam wa khaddooh yong oo.
Ym ye i wow su kylliang yei lehbha yong phi ya i kam ka yung, tangwa i duwai i wei e khublei kitbok kitrwiang ya phi waroh wa u Blai u e u yei maya wei u theh u yei kyrkhu ha ki yung ki sem yong phi wow yoh phi yei chait i khlan wei wow biang ha waroh ki liang.
Khublei Chihajar Ngooh.
Na ka kurim, ka kong Katnira Mukhim, ki khon ki ksu, ki kha ki man, ki pyrsa kurim wa kiwa ha yung ha sem waroh.
