Ka seiñ HITO da thoh ko cha u Lat ka jylla u Satya Pal Malik yow phah ya u Speaker ka Meghalaya Assembly wow khana bniah deiwa pynmih ya ka White Paper yei rukom chna yaka Meghalaya Assembly Building wa em ha Mawdiangdiang.
Da dawa wow pynyoo kammon da khut Tender wa ki kyndon hawa e yei kreh cha ka Rajkiya Mirman Nigam Ltd yow chna ya kani yung dorbar ka jylla wei kamjooh wow khana leh yei pyrtuid yong kiwi de kiwa da ya thong wow yoh yeini i kreh kamjooh ki bru wa mihkhmat ya kini napoh ka jylla.
Da dawa leh wow khana ya ki dkhot ka Tender/Finance Committee wa iwa da ong wa iwa da tyrwa ki kamjooh leh iwa ong wei e yumut da ki bru wa chemphang ha ini i kaam (Technical) kamjooh ka kaam poisa poilaiñ.
Da kylli leh wa ileh kat ya kani ka yung wa emnaam emkaam ym e cha ka TATA Company lane ka L&T kiwa pynkrehkaam ya ka Vista Project ka Prime Minister’s Office.
Da dawa na u Lat yow kyntu ya u Speaker wow e da ka FIR wei wow phah takit da ka CBI yei haap ini i khlieh tnoom (Dome) yow chem lada em i leh tooh hei kreh kamjooh hawa e yei kreh.
Chooh chooh da dawa wa u Speaker toh u pynche u wa lada ki seiñ wa laitlooid kam ka TATA Group waka L&T emkaam ki wow e ya ka muhor yong ki wow pynyoo wa biang i kreh chwa wow wai ya kani ka yung, chwa wow psiah ki MLA, ki sahep, ki wakreh chapoh yong ka.
