U heh ka Liang Pyrchah haka jylla, u Dr. Mukul Sangma ynne da beiñ joor u yei chah pyndik ki paidbah ka thaaiñ Malangkona ha ki pulit Assam, deiwa ong wa ki ar sorkar jylla toh u bahkhlieh ki deiwa pyndooh chisiendon ya ini i chem chitom ki paidbah.
U Dr. Mukul da ong u wa ha u snem 2010 da em i mynjur lang na waroh ar liang wow sangeh i pyndik ya ki paidbah wa chong chnong khnang wow lait ki nei chong sy’ir mynsien.
Da ong u iwa jia ynnin ka sngi ha khappood yong ka thaaiñ Malangkona ymye wow pdiang wei da toh wow yada ya ki wow lait na i jia kamni neini chaphrang khamtam wow tyngkheiñ ya ki aiñ wa da mynjur da ka Parliament heiyatoh wow yada kyrpang ya ki jaitbru Ri-loom kiwa khian paaid wei emkaam wow burom ya ki.
