Ha kini ki tayaw wa dadep hadien wa wan u slap wa joor da sakhi leh yei sih u sarok Jowai Bypass na Soomer cha Thadlaskein, heiwa da poor ki dur wa ki Video heiwa da yoo wa dap um kiwa boon bynta uni u sarok.
Heiyatoh wa ini hawa yaklam wa u Executive Engineer ka PWD Central Division, u M. Tang da pyntip u wa i kreh wow chna pynmiat (Repair) ya u sarok da sdang i katni.
Da pyntip u leh wa chem chitom wow yoh ya ki mooria wow chna ya u sarok wei mar yoh moo daw lai bait i kreh.
Heijooh i por da pyntip u wa i kreh ha ki bynta wa sih yong u sarok u pyndep ha kani ka tayaw wow wan.
