Ka Mukhla United da yoh ko wow psiah Quarter Final ha Wahiajer hadien wa da pynrem ko yaka Sohryngkham FC da 2-1 ynne ka sngi.
Ya ki kool ka Mukhla United da thap da u Rimi Pyrtuh haka minit wa 6 wa na u Ram Sari haka minit wa 68, katwa ya ka chi kool ka Sohryngkham da thap da u Remark Kharmalki haka minit wa 14.
Mynstep ka 1 tarik daw em artylli ki yakhun kiwa daw sdang heipor 1:00 waje i sngi hapyrdi ka Para I FC pyrchah ya ka Blue Bumper iwa pynbood heipor 3:00 waje hapyrdi ka Thadlaskein Veteran pyrchah yaka Mawmang FC kawa na Mawryngkneng. Kam wow pynkynmoo wa ya kani ka lympung yalehbol da pynman daka KSU Wahiajer Unit.
