“Hei chem yong nga, i pynyinsur ya i rta wow yaleh kreh sorkar pynswe i ya ki khynnah khynroo neibhah u yang bait ki hadooh wa dap 37 snem i rta, dei yooluti bait ki wow yoh kreh sorkar,” yeini da ong u MLA ka NPP na Raliang, u Comingone Ymbon hawa yaklam wa kiwa pathai khubor heiwa da ong u leh wa ini toh i sñiaw yong oo samen, ymtoh i yong ka sorkar.
Da ong u wa i por wa ih bha toh manda dap ki 24-25 snem hadien wa pyndep ki ya ki kyrdan puræ waphær waphær wow pyrkhat kammon wow yieñ ha ki kjat.
Chooh chooh da ong u wa i yoh kreh sorkar katni man iwa eh wei manda yoh kreh manda kynjoh 37 snem ki bru da man ki kiwa tlot.
Ha kani ka sngi u Comingone, hawa klam ha ka sngi wow lehwarom wow yada ya ka rymaw, da kyntu u leh ya ki khynroo khyllood wow sdang ki wow seiñ kreh neibhah wa ka sorkar da sdang ko ya ki thong krehkaam wa boonjait, kam ka Piggery Mission, Milk Mission wa kiwi kiwi khnang wow yarap wow seiñ khih seiñ kreh.
