Ka Rotary Club Jowai katkam ka thong krehkaam yong ka Rotary International ha ka sngi Muchai 4 tarik Naiynru da pynman ko yaka yalang pynpsiah dkhot wa thymme namo Induction Ceremony ha Infinity Conference Hall, Mooralong.
Ha ka yalang wa yoo chongkun yong kani ka sngi hei pynlai u Montri Passah, MPHF President Rotary Club Jowai da kdaar luti dei rwai yei sur National Anthem da waroh ki dkhot pynbood wan i e sñiawbha ya ka kongsan Rtn. E.F. Gatphoh, MPHF Charter President wa ya u Rtn. S.K. Lato, MPHF-Immediate Past President neitae u Rtn. Samehi Laloo, RFMS President Elect wan da e u ki kyntien pdiang burom katwa u Rtn. R. Nongtdu, MPHF puræ u ya ka Profile yong u Fencing Syrti uwa da psiah dkhot ka Rotary Club Jowai.
U Rtn. S.K. Lato, MPHF hawa e kyntien da kdaar u wow klam u khana chaphang kayi ka Rotary wa kiyi ki yurim krehkaam yong ka wei chooh chooh da e mynsien u leh ya ki dkhot waroh deiwa ong hawa psiah hapoh ka Rotary kam ki Rotarian man kiwa ekti sakhiat wow leh yeiwa bha tam neibynta i myntoi ka imlang sahlang katkam ka thong wa ka yurim krehkaam yong ka Rotary International.
Ka Rtn. E.F. Gatphoh, MPHF Charter President kam ka kongsan yong kani ka sngi hawa e kyntien da ong ko kynmoo wow psiah kam ki dkhot ka Rotary man iwa em burom neibhah man ko ka seiñ wa em ha chityllup ka pyrthai wei hawa pynyabi wa ka Rotary ham hun wow kut du kat hei naam khlem da kreh næ leh yei kaamram katkam ka rukom dustur yong ka Rotary International.
Khaddooh chwa wow yoh ki kyntien sñiawngooh na u Rtn. D. Biam, RFSM, u Rtn. Montri Passah, MPHF, President Rotary Club Jowai da pyndep u leh ka bynta wa yatoh wei puræ soskular næ ka Pledge Reading ya u Fencing Syrti kam u dkhot wa dang psiah cha ka Rotary Club Jowai.
