Kam chibynta yong ka Meghalaya Environment Week 2022 u Montri ka chnat khloo ka jylla, u James P.K. Sangma ynnin ka sngi da sdang u ya ka “Reclamation of Coal mining-affected land through afforestation” namo wow pynkhai-im ya i thaw wa chah ktah nei tih mooyong ha ka yalang wa pynman ha Pohskhen, Khliehriat East heiwa da khut sñiawbha ya ki tre paar mooyong, ki waheh chnong ki 150 tylli ki chnong, ki bru paidbah, ki khynnah skur wa ki sahep sorkar.
Ya u James Sangma da synraan da u B. K. Lyngwa, Principal Chief Conservator of Forests & HOFF. U S.M.A. Razi IRTS, Commissioner & Secretary, Forest & Environment Dept, ka Imtienla Ao, IFS, Deputy Director General of Forest, Ministry & Environment & Forest, Climate Change, Regional Office, Shillong, wa u E Kharmalki, IAS, Secretary, Mining and Geology Dept.
Da em ka yalang wa tbian ha Community Hall, Khliehriat West, East Jaiñtia Hills District wow lehwarom ya ka World Environment Day ya kawa da pynman da ka Forest and Environment Department wa ka Mining and Geology Department, Government of Meghalaya lyngba ka Divisional Forest Officer, Social Forestry Division, Jaiñtia Hills, Jowai.
Da emlang leh u Dr. Manjunatha C, PCCF& HoFF, Meghalaya, Shillong, u A. Baranwal, Deputy Commissioner, East Jaiñtia Hills District, Khliehriat, u Jagpal Singh Dhanoa, Superintendent of Police, East Jaiñtia Hills District, Khliehriat, u Sukhdev Singh, Chief Executive Officer (CEO), Trinity International wa kiwi kiwi.
U James. P. K Sangma da batai u hajrong kani ka phang wa tip kam “Only One Earth”, heiwa da ong u wa em du kawi donhi ka pyrthai wei emkaam wow sumaar wow yada bha ya ka.
Ha kani ka sngi da saam leh ya ki Prize cha kiwa jop ha ki yakob waphær waphær wa da pynman kam chibynta yong kani ka tayaw.
U James. P.K. Sangma wa ki sahep sorkar da lai thung dieñ ki leh ha Pohskhen, Khliehriat East deiwa krehlang waka Divisional Forest Officer, Social Forestry Division, Jaiñtia Hills, Jowai heiwa da thung hadooh 3000 tre ki dieñ chirup wa ki khynnah skur wa kiwa sikai skur.
