Chirup wa ka pyrthai waroh kawi, ya ka 5 Naiynru da tip kam ka Sngi Ka Rymaw namo ka World Environment Day heiwa ka Dalmia Bharat Cement, Thangskai, East Jaiñtia Hills leh da pynemwarom ko ya kani ka sngi.
Ka phang yong ka lehwarom toh wow dam u pynemkaam muna Plastic deiwa pynman ya ka yakob chna Poster wa i thoh Slogan neibynta ki khynnah ha ki kyrdan waphær waphær nadooh ki khynnah hadooh kiwa kreh kani ka karkhana.
Da em leh ki khynnah kiwa da chimbynta ha ka lehke Drama wow pynsñiaw yei emkaam wow yada ya ka rymaw.
Da yoh leh i klam na u heh ka karkhana u C.P. Tiwari wa u heh ka chnat Mines, u Sanjay Kumar kiwa da batai yei emkaam wow yada ya ka rymaw heiwa da ban joor ki leh wow pynkhlaad ya ki jhep neiwa py’ut wa i wym py’ut.
Da phah leh wow tih da i thlu wow pynman sboh ya ki jhep wa py’ut khnang wow man sboh i wow ye u pynemkaam hawa e khyndaw wei thung dieñ, ki syntu wa kiwi kiwi.
Da pynman leh ya i thung dieñ ha ki thaw wa syllen wa duna ki dieñ.
Ha kani ka sngi da thung leh hadooh 200 tylli ki tre dieñ hajan ka thaw psiah cha kani ka karkhana wei kiwa chimbynta da kular ki leh wow thung hadooh 100 tylli ki tre dieñ ha i rta yong ki.
