Ka Jowai Presbytery da pynemwarom ko ya ka sngi pynneh pynsah ya ka rymaw deiwa pynman ya ka e sikai kawa chi sngi ha ka 4 tarik ha Balang Presbyterian Demthring hajrong ka phang “Kammon u sumaar ya ka rymaw wa ki soodong sookun yong ka”.
Da wan chimbynta da ki dkhot na ki 17 tylli ki Balang hapoh ka Jowai Presbytery.
Uwa sikai (Resource Person) toh u Frankie Well Blah, Chief Forest Officer ka JHADC, uwa da khana wa ya ka World Environment Day da booh da ka United Nation Assembly nadooh u snem 1972. Da klam haroh u chaphang ka Solid Waste Management wow pynyakhlaad ya ki mar wa pyut wa ki wym pyut.
Da kyntu joor u ya kiwa chimbynta wow chim yei kitkhlieh wow pynneh pynsah ya ka rymaw.
Khana haroh u chaphang wow pynlang symbe dieñ da kiwa em cha i cheini wei wow rap pynboon bha u thung da kini kiwa yatoh wa i.
Pynkynmoo haroh u wa hap i u sñiawthooh bha lada thung dieñ i toh yow yoh myntoi hadien yow pynnneh pynsah ya ka rymaw.
Ya ka yalang da pynlai da u Rev. K. Dkhar, Chairman ka Socio Economic & Life Development Committee.
Hadien ka e sikai, da lai li thung 500 tylli ki tre dieñ hei thaw ka Balang Presbyterian Demthring.
