Ki bor District ka East Jaiñtia Hills District, ynne da pynman ki yaka e sikai hajrong ka ‘Prohibition of Drug Abuse’ neibynta kiwa sikai yong ki skur ka District ha Conference Hall ka yung krehkaam u Deputy Commissioner, East Jaiñtia Hills District, Khliehriat.
Ha kani ka sngi u A. Baranwal, Deputy Commissioner da ong u wa kani ka e sikai toh wow embynta kiwa sikai ha i yakhun pyrchah yei pynemkaam bakla yei drugs ha ka District.
Da ong u wa ki khynnah boonsien em ki ha skur wei kiwa sikai emlaad bha ki wow pynyatoh wa ki man-ka-sngi wei ngait skem u wa kiwa sikai wow ye u pynwandur ya i rukom im ki khynnah khnang wow man ka mynried yong ki kawa tyrchaaiñ.
Da ban joor u leh wow pait yei rukom man phær ki khynnah heiwa ye ki wow pynyoo ya ki dak wa ki khynnah ye ki wow pynemkaam bakla ya i drugs kamtæ emkaam wow yarap wow leh yeiwa emkaam khnang wow ye wow yada ya ki.
Ha kani ka sngi da batai hajrong ka aiñ NDPS Act (Markers, Signs, and Symptoms of drug users), Joint Action Plan & Counselling, ki jait drugs, kammon ktah i drugs ya ka yung ka sem, ka imlang sahlang wa kiwi kiwi.
Ki bru chemphang kiwa klam ha kani ka sngi kynthup ki ya u Banraplang Jyrwa, Addl. Superintendent of Police, u T. Kyndiah, District Child Protection Officer, ka Rinibet Patlong, Programme Manager MCSWA wa u Dr. J. Nongtdu, Medical Officer, In-Charge ka Oral Substitution Centre.
