U Montri Rangbah ka jylla, u Conrad Sangma da pyntip u wa i kreh ya u sarok 4-Lane nadooh na yingkieñ Umshyrpi wa lai lyngba Upper Shillong wa jrong 11 Km da sangeh neidaw waka Company wa yoh Contract kawa tip kam ka SS Infra Zone Pvt. Ltd da ieh noh ko wow kreh yei kaam.
U Conrad da ong u wa uni toh u sarok uwa da pynkreh da ka National Highway Infrastructure Development Corporation Ltd (NHIDCL) wei daw hap khut Tender biang deiwi yow chna ya uni u sarok.
Da ong wa neidaw wa ya uni u sarok da pynkrehkaam da ka sorkar pyrdi wei yei khut Tender leh da leh da ka sorkar pyrdi, yei khut Tender thymme ya uni u sarok neiliang yong sorkar jylla da booddien ko yeini yow pynsmat yei kaam yow ye i kreh wow pteiñ biang.
Hawa kylli, da ong u wa ym pu tip iyi i daw wa yut ka Company wa kreh wei ka NHIDCL daw leh ko yeiwa emkaam pyrchah ya ki wei man i leh iwa sñiawkhia wa jia ini wei ka sorkar jylla ym ye ware wow tuklar heiyatoh wa wa ini.
