Ka sorkar Meghalaya da khut ko ya ki chynrang wa ki kynthai kiwa man kam ki ST, SC, OBC ka Meghalaya wa kitu wa em bei em pa kiwa man kam ki Safaiwallas kiwa ye wow yaleh ya ka UPSC Civil Services (Qualifying) Examination 2023 waka Civil Service Exams Mains (Written) Examination 2022 yow yoh ki ya ka e sikai (Coaching) wa mynkna ka wow pynlut da ka sorkar jylla.
I e sikai toh hei ktien English wei kitu kiwa em 21 snem chaneiñ kiwa da pyndep ya ka Degree Exam deiwa yoh 50% ki Marks ye ki wow wan chakhmat wow yaleh ya ini.
Kitu kiwa da dep wow yoh sikai ym duna ya chisien ha kiwon kiwon ki Pre-Examination Training Centre hapoh ka ri kiwa da em i thmu wow yaleh ya ka UPSC Civil Services Preliminary Examination, 2023 lane kiwa da yaleh chisien ya ki Civil Service Prelims Examination kamjooh ki wym pu em yaleh ye ki wow yaleh yow yoh ya ini i e sikai.
Hap wow yaleh (Apply) ya ini waka Union Public Services Commission (UPSC) yow yoh chwa wow yaleh ya ka CS Prelims Examination 2023 hapoh i por wa da booh da ka UPSC. Kitu kiwa chah jied daw yoh ki leh ya ka Hostel wa i baam wow e dei mynkna ya kitu kiwa wan nyngkong chwa (First Come First Serve) neibynta ki 75 ngut.
Ka tarik wa khaddooh wow pynpoi ya ka Application toh ha ka 13-06-22 wei da em thaw du ya 100 ngut donhi.
Ya ka Application toh u pyndap da kawa yoh naka MATI deiwa lai ha www.mati.gov.in. Wei ya ki kot ki sla daw hap wow pynyoo katkam wa paan kani ka yung krehkaam.
Ya kiwa chah jied daw booh yei pyrtuid ki ha ka Office Notice Board ha ka 27-06-22 wa ha ka Website www.mati.gov.in wei ye leh wow chah pyntip deiwa chah Phone ha u Number wa booh ha ka Application Form.
Ka e sikai u sdang ko nadooh ka 04-07-21 wei u pteiñ ko hadooh ka CSE Prelims 2023.
