Ka KSU East Jaiñtia Hills District Unit ha ka 10 tarik da lai e yarap ko ya kawi ka manyung kawa em ha ka chnong Jalyiah kawa man leh ka manyung wa da man khonswet ki khon ki wym em de ya ka bei wei da pait ya ki da kiwa emyatoh ki.
Neiliang ka seiñ da ong ko wa ym jooh ieh ko ya kiwa chem chitom wei da e yarap ko dei bor wa khian kam i dak sñiawlem ya kani ka manyung wa em soo ngut ki khon wym em bei de wei u pa leh toh u wym em kamai kajih wa biang wow ri wow sumaar wei wow psa ya waroh soo ngut ki khon.
Neiliang u waheh chnong ka Jalyiah da phah u ya ka khubor sñiawngooh wei da e khublei u ya ka seiñ hanla ym emlang u ha kani ka sngi wei da kitbok kitrwiang u ya ka seiñ wa em ko yei kitkhlieh yei khia i chon ki paradoh parasnaam wow nang ye ki u chakri ya ka ri wa ya u paaid ka bri u Ynñiawtrep Ynñiawskum.
Ki dkhot ka seiñ kiwa da ya emlang toh u Satly Ryngkhlem, Vice President, u Assistant General Secretary, u Pynshai Kupar Dkhar, u Shaniahskhem Dkhar uwa man kam u Finance Secretary yong ka KSU EJHDU, u Cherity Suja, Assistant Finance KSU EJHDU wa u Hamewanpynhun Ryngkhlem, Publicity Secretary ka KSU EJHDU.
