Ka Jaiñtia Tourism & Environment Society (JTES) deiwa ya krehlang waka Jaiñtia Eastern College, Khliehriat daw pynman ki ya ka Tyrko Nia namo ka Debate hajrong ka phang “U pyndap ya ki thlu mooyong (Abandoned Coal Pits) da i jhep toh ka laad wa bha tam wow pynkhai im biang ya ka soodong sookun (Environment) ha ri Jaiñtia.”
Ya kani ka Debate daw pynman ha ka 13 tarik uni u bnai ha Jaiñtia Eastern College, Khliehriat heipor 10 waje i step.
Ki skur wow chimbynta toh ka Khliehriat Higher Secondary School, ka Wapungskur Higher Secondary School, ka Sutnga Presbyterian Higher Secondary School, ka Tia Chaphrang Higher Secondary School, Sohkymphor waka Jaiñtia Eastern Higher Secondary School, Khliehriat.
Kamtæ da khut sñiawbha ya phi wow wan cha kani ka Debate kawa man leh kam ka laad wow pynsñiawthooh ya kiwa chong chnong wow yada ya ka rymaw.
I pyntip na u President ka JTES, u P. Lyngdoh.
