I joor u slap ha ki sngi wa ki tayaw wa dadep da wanrah yei thut i rukom pynpoi bordiñ ha kiwa boon ki thaw nei dat u pyrthat, hanla kattæ leh kiwa kreh ka MeECL ym em sangeh ki wow pyntikna wa yoh bordiñ ki manyung wa ki chnong ki thaw.
Ha i miet ka 12 tarik heipor kamwa 8:00 waje i miet da dat u pyrthat ya u 500 kva Transformer ha Panaliar Substation iwa da wanrah yei dooh bordiñ hadooh ar miet ha Panaliar wa Loomiongkjam.
Ya uni u Transformer hap wanrah na Shillong neidaw wym em de da uwi uwa lait (Spare) ha Jowai.
Ya uni u Transformer da wanrah ynnin i miet wei ynne i sngi wot hapyrdi u slap wa joor khlem sangeh da ye wow kylliang ya oo wei da ye wow pynpoi bordiñ biang ha ka chnong Panaliar wa Loomiongkjam.
Ha kawi won ka khubor, ha ka 12 tarik i sngi wot hapyrdi u slap da kylliang ya u Transformer 63 kva ha Loomkyrwiang uwa da sih ha ka 11 tarik heipor 3:35 i sngi.
