Ka Inter School Football Tournament kam chibynta ka Subroto Cup 2022 ka West Jaiñtia Hills District, da poi ko cha ka sngi wa ynñiaw deiwa pteiñ ya ki yakhun Pre-Quarterfinal ki Under-17 Boys wei da sdang leh ki Pre-Quarterfinal ki Under-14 Boys.
Ha ki Under-17 Boys:
Ka Kiang Nangbah HS School da jop ko yaka Amlarem Secondary School da 4-3.
Ka Little Flower HS School Ummulong da jop ko ya ka Jowai Presbyterian HS School da 4-1.
Ka H K Singh Memorial Secondary School da jop ko yaka Amwi Thangbuli HS School da 2-1.
Ha ki Under-14 Boys:
Ka JNM Secondary School Lamin da jop ko ya ka Ches’ Star Secondary School da 9-1.
Ka RC Eve Secondary School Mihmyntdu da jop ko yaka Govt. Public School da 5-0.
Ka H K Singh Memorial Secondary School da jop ko yaka Demthring Presbyterian Secondary School da 3-2.
Ki yalehke daw pteiñ ki mynstep da ki Pre-Quarterfinal ka Under-14 Boys heiwa ka Jowai Presbyterian UP School daw yachem ko waka Marian Hill HS School, ka North Liberty HS School daw yachem ko yaka Little Flower HS School Ummulong, ka Govt. Boys HS School daw yachem ko waka St. Claret Secondary School Phramer, ka Jaintia HS School daw yachem ko waka Mihmyntdu Secondary School katwa ka Padu Secondary School daw yachem ko waka Adventist HS School.
Daw sdang leh ki Pre-Quarter ki Under-17 Girls da ka yalehke hapyrdi ka North Liberty HS School waka Mihmyntdu Secondary School.
