Ka Dhab ki Montri yong ka sorkar pyrdi ynnin ka sngi da mynjur ko ya ka Scheme wow pynpsiah kreh chipai ya ki khynnah khynroo ka ri ya kawa tip kam ka AGNIPATH heiwa ki khynnah wa chah jied hapoh kani ka Scheme daw tip ya ki kam ki Agniveer. Ka AGNIPATH daw e laad ko ya ki khynnah wa maya ri wei kiwa yoh mynsien wow chakri ha ki chnat chipai (Army, Navy wa Air Force) neibynta soo snem.
Da saiñdur ya ka Scheme AGNIPATH toh wow rap boon ki khynnah khynroo wow psiah kreh chipai wei daw wailaad ko leh ya ki khynnah kiwa kwah u psiah kreh chipai deiwa riñ ya kiwa em sap na ka imlang sahlang kiwa sñiawthooh ya ka stat Technology ka juk wa katni wow wanrah leh cha ka imlang sahlang ki bru kiwa da pynchkæh, kiwa im ha ka rukom wa bait wei kiwa em ya ka thong.
Da antaad wa i rta yong ki chipai ka ri daw hiar i da kamwa 4-5 snem lyngba kani ka Scheme.
Ki myntoi neiwa e chakri ha i por wa tbian ha ki chnat chipai, ka imlang sahlang wa ki khynroo u yoh myntoi ki kam i yakrehlang wow kyntu kynrong ya i chait i khiah, i kreh neibynta ka ri wa i em ki bru kiwa da pliah wow kynrong kyntu yei chngaaiñ ka ri ha ki por wa em i maa na baar ri, i maa napoh ka ri, wa i chah ktah ha ki bor ka rymaw.
Ini i kylla toh iwa khroo ha ka Defence Policy wa da wanrah da ka sorkar wow wanrah ya ka juk wa thymme heiyatoh wa ki bru kiwa em ha ki le tylli ki chnat chipai ka ri. Kani ka Policy da man ko kawa da krehkaam ha waroh ki le chnat ki chipai ka ri.
I myntoi ya ki Agniveer
Ki Agniveer u yoh ki ya ka tulop/nong kawa man-u-bnai ryngkat ki Risk wa Hardship Allowance katkam ki chnat krehkaam. Manda pyndep ya ka samoi kawa 4 snem, ki Agniveer u yoh ki ya ka song poisa wa tip kam ka ‘Seva Nidhi’ kawa chisien ka wow kynthup neibynta yong ki wa ka sut wei ya kani daw e lang kamjooh neiliang ka sorkar chirrup wa ka sut kawa man kamni hawah:
| Snem | Ka song (wa man u bnai) | Ha kti (70%) | I bynta wow lai cha ka Agniveer Corpus Fund (30%) | I bynta yong ka sorkar ha ka Corpus Fund |
| Waroh ha kti (I bynta wow e man-u-bnai) | ||||
| Snem nyngkong | 30000 | 21000 | 9000 | 9000 |
| Snem wa ar | 33000 | 23100 | 9900 | 9900 |
| Snem wa le | 36500 | 25580 | 10950 | 10950 |
| Snem wa soo | 40000 | 28000 | 12000 | 12000 |
| Waroh ki bynta ha ka Agniveer Corpus Fund hadien soo snem | T. 5.02 lak | T. 5.02 lak | ||
| I mih hadien 4 snem | T 11.71 Lak kam ka song Seva Nidhi
(Wa kynthup ya ka sut kawa da lang na ka poisa wa kheiñ hajrong katkam ka sut wa yahaap leh daw su) |
|||
Ka ‘Seva Nidhi’ u lait ko na ka dan Income Tax, ym em i su Gratuity næ ka bai baam tymmen. Ki Agniveer u yoh ki ya ka Life Insurance Cover kawa ym hap su na kata wa kynjoh cha ka T. 48 lak neibynta ka samoi wa em ha ki chnat chipai ka ri.
Ha ini i por yong i chakri ya ka ri, ki Agniveer u chah hikai ki ha ki kaam kiwa yatoh wa ki chipai, i rukom im wa bha, i chait i khiah, i rukom man kam kiwa yahkhmat, i man chlur wa i maya ri.
Hadien kini ki soo snem, ki Agniveer u liwan biang ki cha ka imlang sahlang hei wow embynta ki iwa khroo wow tei ya ka ri. Ya i chakri wa ki Agniveer u yoh ki ya ka Certificate ka wow man kam chibynta i kreh wa i chah hikai yong ki.
Ka ‘Seva Nidhi’ kawa em kamwa T. 11.71 lak daw yarap ko ya ki Agniveer wow pynkreh ki wow leh neibynta ka thong yong ki wow seiñ kreh wa kiwi kiwi.
Kiwa chah jied wow psiah kreh chipai kam ki dkhot wa pura emkaam wow kreh ki kamwa sa 15 snem wei ini u man i katkam ki kyndon kiwa yatoh wa i kreh kam ki Junior Commissioned Officer wa kiwi ki kyrdan ha ki chnat chipai ka ri.
Chooh chooh ki myntoi:
- I pynkylla ha i rukom thap kreh chipai.
- Ki laad wa kyrpang ya ki khynroo wow chakri ya ka ri.
- Ka song poisa kawa biang neibynta ki Agniveer.
- Ka laad ya ki Agniveer wow chah hikai ki wow kynrong yei sap wa em ha ki wa kamjooh i stat i tip.
- Ki laad yoh kreh ya kiwa da liwan cha ka imlang sahlang wow man ki kam ki nongmuna ya kiwi ki khynroo.
Ki kyndon
Hapoh ka Scheme AGNIPATH, da thap ya ki Agniveer ha ki chnat chipai hapoh ki Service Act neibynta 4 snem. Daw em ki kyrdan wa kyrpang ha ki chnat chipai, iwa phær na ki kyrdan kiwa jooh em warooh chi kattu. Hadien wa kut ka samoi wa soo snem katkam i kyndon wa emkaam ki chnat chipai, daw wailaad ya ki Agniveer wow thap kreh wow psiah kam ki chipai wa pura ka ri.
Katkam wa man katttæ daw thap chwa hadooh 46,000 ngut ki Agniveer.
Ya ka yutip wa bniah daw pynlait Online hadien heiwa daw em leh ka Rally, ki Interview, u em hapyrdi i rta wa 17.5 wa 21 snem wa kiwi kiwi.
