Ka State Disaster Management Authority (SDMA), Meghalaya da pyntip ko wa nadooh u 01-04-22 da em la 27 ngut kiwa da dooh yei mynsien na ki daw wa joor u slap, i chlai um, i oor khyndaw, oor moo ha ki District ka jylla hadooh ynne i janmiet ka 18 tarik.
Ki chnong waroh kiwa da chah ktah da em ki 772 tylli wei kiwa chong chnong kiwa chah ktah da em ki 5,85,999 ngut. Kiwa mynsoo da em ki 20 ngut katwa kiwa wiar da em 8 ngut.
Ki yung wa da chah ktah da em ki waroh 3,981 tylli heiwa kiwa da pra lut toh 258 tylli, kiwa chah ktah malu mala da em ki 3,437 tylli wei kiwa da pra phrai da em 89 tylli.
Ki mrad wa yap da em 7 tylli.
Ki bru wa da hap wow kyrriah thaw da em 15 ngut, ki Relief Camp wa da booh da em ki 26 tylli.
Ki thaw rep wa da chah ktah da em ki 27 Hectare.
Ha kini ki 24 kynta da em leh i oor khyndaw ha u sarok MGNREGS wa em ha Mawblei hapoh ka Mawkyrwat Block wa i oor khyndaw wa da ktah ya ka kynroh ka Umkiang PHC.
Puræ leh: Da chem yei metyap yong uwa wiar, ku kiwa khlaad cha 9 ngut ha chi sngi ha East Khasi Hills
