Ka Ministry of Minority Affairs & Ministry of AYUSH, ka sorkar India deiwa ya krehlang waka sorkar Meghalaya ynne da kynmoo warom ki ya ka 8th International Day of Yoga 2022 hajrong ka phang “Yoga for Humanity”, ha Convocation Hall, North Eastern Hill University (NEHU), Shillong.
U John Barla, u Montri khynnah ka Minority Affairs da emlang u kam u kongsan katwa u James P.K. Sangma, u Montri ka chnat i chai i khiah ka jylla da man u kam u symbood kongsan.
U John Barla da ong u wa i lehkmen ha uni u snem hapoh ka ri da em ko leh kam chibynta i lehkmen yei dap 75 snem i yoh laitlooid ka ri (Azadi ka Amrit Mahotsav). Da ong u wa i pynmyllien leh Yoga ym toh u kut i du ynne ka sngi, da pynchlur u yow pynman ya ka Yoga kam iwa leh man-ka-sngi wei wow pynpoor ya ini cha kiwi leh yow yoh yei chait i khiah.
Neiliang u James PK Sangma da pynsñiaw u yei sñiawngooh wow embynta ha kani ka lehkmen ha uni u snem heiwa ka Yoga toh kawa sdang na India. Da ong u wa ka pyrthai katni mylliñ ki yei chait i khiah i pyrkhat pyrdaiñ wa i doh i pran, kamtæ ka Yoga ye ko wow yarap ya waroh iwa ktah yei chait i khiah hapoh ka imlang sahlang.
Ha kani ka sngi neiliang u Prime Minister ka India da chimbynta u lyngba ka Internet na Mysuru, Karnataka. Ha Shillong da yahkhmat yei leh Yoga da ka North Eastern Institute of Ayurveda & Homoeopathy (NEIAH), Shillong heiwa da chimbynta da 800 ngut wa kynthup ya ki bru paidbah, kiwa lai puræ ka NEIAH, Shillong Polytechnic wa ki bru chipai.
