Shillong : Ka aiñ Meghalaya Compulsory Registration of Marriages Rules, 2015 da pynbna ka sorkarMeghalaya wa da pynman aiñ ya ka lyngba ka hukum ERTS(R)7/2011/366 dated 5th October, 2015 katkam wa pyntip da u Under Secretary to the Government of Meghalaya, Excise, Registration, Taxation & Stamps Department.
Katkam ki kyndon ka ni ka aiñ da dep thung ya ki Registrar of Marriages ha ka district ka East & West Khasi Hills Districts, East & West Jaiñtia Hills Districts, Ri Bhoi District, East & West Garo Hills Districts wa ha Mairang wa Sohra Civil Sub-Divisions. Ki Registrar of Marriages yong ki wa dang sah ki District wa Sub-Divisions daw pyntip hadien.
Hapoh kani ka aiñ ki chi kurim wa da dep bia hadien ka 5th Naichiphaw (October), 2015 toh u booh ki ya ka memorandum (application form T. 10 wa ye u yoh na ki Registrar of Marriage ki wa em ha ka ophis u Deputy Commissioner yong jar jiar ki District) deilang wa ki dur passport size (yong ki chi jur) cha u Registrar of Marriage hapoh 60 sngi nadooh wa dep bia. Kani ka aiñ leh krehkaam ko kamjooh ya kiwa dep bia chwa ya ka 5 Naichiphaw 2015.
Manda dep e ya kani ka form, u Registrar of Marriage daw e u ya ka Certificate of Registration of Marriage, dei mynkna cha ki chijur kam ka sabut wa da bia ki.
Ki jur wa bia hadien ka 5 Naichiphaw 2015 ki wym e ya kani ka memorandum hapoh 60 sngi na ka tarik wa bia daw chah daiñ kuna ki T. 100 chi bnai hadien ka 60 sngi wei T. 50 lada pynslem sa chi 120 sngi ka kuna u man ko T. 50 hadooh T. 1000 chibnai hadien wa palat ya ka 120 sngi.
Yow tip bniah ye u kylli na jar jiar ki Registrar of Marriages yong ki District/Sub-Division.
Discussion about this post