Wa baam-tooh hap su u Chowkidar T. 37.30 lak wa u CFO T. 5 lak kam ka kuna ka KHADC

Ki ar ngut kiwa kreh ka chnat khloo ka Khasi Hills Autonomous District Council (KHADC), daw hap su ki ya ka poisa wa da baam-tooh ki kawa kynjoh T. 37.30 lak, wei ya kani ka poisa hap su ki man-u-bnai deiwa ah ya ka tulop yong ki.

Ka Executive Committee hapoh ka KHADC da chimkhia ko ya ini hadien wa da pynkut ya ka takit da u sahep wei hadien wa chem yei emkti u Chowkidar.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U Chief Executive Member ka KHADC, u Titosstarwell Chyne da ong u wa katkam wa chem, u Chowkidar yong kawi ka khloo (Plantation), u Franklin Khymdeit da chem wa emkti u wow baam-tooh ya ka poisa yong ka Council kawa da kynjoh hadooh T. 37.30 lak, wei ya uni da phah su man-u-bnai deiwa ah ya ka tulop yong oo kawa kynjoh T. 10,000 chi bnai hadooh wa da dep lut.

Ha iwi i liang u CEM da ong u wa neiliang ka EC da rai ko wow phah su leh ya ka kuna kawa hadooh T. 5 lak ya u Chief Forest Officer, u T. Saiborne wei i su u man i T. 1 lak chi bnai kam ka kuna wa khlem chimkhia ya i kaam wa pynman ya uni u Chowkidar wow baam-tooh u.